गोल्डन आय न्यूज नेटवर्क
स्वरझंकार व इंडेको प्रायमसतर्फे ‘कुमार रागविलास’!
राहुल देशपांडे यांच्या मैफलीतून होणार पंडित कुमार गंधर्व गायकीचे दर्शन !!
पुणे : स्वरझंकार व इंडेको प्रायमस यांच्या वतीने युगप्रवर्तक, विख्यात हिंदुस्तान शास्त्रीय गायक पद्मविभूषण पंडित कुमार गंधर्व यांच्या गायकीचे दर्शन प्रसिद्ध शास्त्रीय गायक राहुल देशपांडे ‘कुमार रागविलास’ या सांगीतिक मैफलीतून घडविणार आहेत.
स्वरझंकार प्रस्तुत ही मैफल रविवार, दि. 17 सप्टेंबर रोजी रात्री 9 वाजता यशवंतराव चव्हाण नाट्यगृहात आयोजित करण्यात आली आहे. राहुल देशपांडे यांना चैतन्य कुंटे (हार्मोनियम) आणि निखिल फाटक (तबला) साथसंगत करणार आहेत. पंडित कुमार गंधर्व यांच्या जन्मशताब्दी वर्षात आयोजित करण्यात आलेली मैफल रसिकांसाठी पर्वणी ठरणार आहे.
इंडेको प्रायमस व स्वरझंकार हे या कार्यक्रमाचे मुख्य आयोजक असून ‘स्कोडा’ आदित्य मोटर्स हे या कार्यक्रमाचे प्रायोजक आहेत तसेच 94.3 Radio One FM हे रेडिओ पार्टनर आहेत.
या कार्यक्रमाच्या प्रवेशिका bookmyshow.com या संकेत स्थळावर तसेच कार्यक्रम स्थळावरही उपलब्ध करून देण्यात आल्या आहेत.
रसिकांनी या वेगळ्या बहारदार कार्यक्रमाचा उत्स्फूर्तपणे आस्वाद घ्यावा, असे आवाहन स्वरझंकारचे राजस उपाध्ये यांनी केले आहे.
कार्यक्रम : रविवार, दि. 17 सप्टेंबर
स्थळ : यशवंतराव चव्हाण नाट्यगृह, कोथरूड, पुणे
वेळ : रात्री 9 वाजता
संपर्क : 9529089548, 9370830002
————————————————————————–
जाहिरात
